Asa ang trabaho?

Daghang way trabaho. Daghang nangitag trabaho. Apan daghan kanila ang wa masayod asa pangitaa ang trabaho.

Matag Domingo ang Philippine STAR, igsoon sa Banat News ubos sa Phil Star Group of Publications, mopatik og seksyon nga ginganlan og CAREER GUIDE.

* * *

Sa Career Guide mabasa ang gatusan ka mga trabaho nga naghuwat og mga aplikante. Trabaho lokal ug trabaho gawas sa nasud.

Naa say mga iskedyul sa mga Job Fair nga gipasiugdahan sa Philippine Star.

* * *

Duna say mga anunsiyo sa seminars alang sa mga jobseekers.

Ug matag karon ug unya naay mga artikulo alang sa mga mangita’g trabaho kun unsay ilang buhaton samtang nangita pa ug kun makakita na’g pangempliyohan.

* * *

Daghan na kitang nahibaw-an og mga jobseekers nga nakatrabaho pinaagi sa Career Guide sa Phil Star.

Daghan sab tay nahibaw-ang mga tawo nga duna nay maayong trabaho apan naninguha pa gyud nga makalandig og mas maayo pa gyud nga palangitan-an.

* * *

Suma sa survey naa pa gyud liboan ka mga Pinoy ang jobless kun walay trabaho. Ang Philippine Star nakatabang og dako sa pagsulbad niining suliran sa nasud pinaagi sa Career Guide section niini.

* * *

TRIVIA. Mangumusta kita sa atong mga readers diha sa Bogo City ug mga kasikbit nga dapit. Daghang salamat sa inyong walay hunong nga suporta sa Banat News.