SK eleksyon

Diay text message gikan sa usa ka texter nga wa magpaila: “Funds intended for the people must not pass through the lawmakers.” Nakasabot ka ngano?

* * *

Si Napoles kuno gi-atake og claustrophobic fit sud sa iyang 82-sq. m. nga detention cell. Mora’g mabuang ang usa ka tawo nga ig-on aning claustrophobic fit labi na kun naanad og puyo sa hamugaway nga mansion ug naglain-laing condo.

* * *

Matud ni LTO chief Virginia Torres wa siya magsugal sa casino. Ang gikuhaan kuno og video diin nakita siya nga nag duwa sa slot machine dili kadto casino. Usa kadto ka Torres spot?

* * *

Matud pa sa atong tinubdan, naay daghang chairman sa SK kang kansang termino na-expire na ang nakahukom nga modagan gihapon sa umaabot nga SK eleksyon apan sa pagka kagawad na lang. Naay pipila ka mga tigpaniid nga mibiaybiay niining umaabot nga ex-SK chair kay kuno giganahan sa politika. Wa ta miuyon sa maong panghunahuna.

* * *

Kita nagtuo nga kining mga SK chair nga nagplanong papili isip SK kagawad, basta way salawayon nga rekord, makatampo sa ilang kasinatian ngadto sa SK nga ilang daganan.

* * *

TRIVIA. Mangumusta kita sa mga ginang sa panimalay nga himasa sa Banat News. Daghang salamat sa inyong suporta.