EDITORIAL - Ang rally batok kurapsyon

Di  makapugong  sa naplano na  nga  rally  karong  adlawa  sa Roxas  Boulevard, Metro  Manila   ang  pagwagtang  sa PDAP.

Kini  tungod  sa kaliboan  ka  mga  naglagot  niining  kurapsyon  nga  mugna  sa  mga  opisyal  sa  gobiyerno.

Nasayud  na ang  tanan  nga  makalagot  kaayo  ang  kurapsyon  ug  gani  mao  kini  nakapagubot  sa Pilipinas  nga  mipalagpot  kang  anhing  Presidente  Marcos.

 Ang P10 bilyones  nga  pork barrel grabe   kadakong  kuwarta   nga  giduwa-duwaan  lang  sa  mga  senador  ug  kongresista  uban sa  mga  non  government  organization  NGO.

Hinaut  unta  nga  maleksyon  ang  mga  naghunahuna  pa sa pagpangawat  sa kuwarta  sa katawhan  kay  minilyon  ang  ilang  kontra  ug  mopanghimaraut  kanila.

Kun  ingon  niini  pirme  ang  mahitabo  sa Pilipinas  unsaon  sa  pagbangon  niadtong  mga  kabus  kaayo  og kahimtang  sa panginabuhi.

Kay  kun  daghan  pa  og  kuwarta  ang  goberno,  di  tukoran  unta  og  mga  condominium  ang  mga  kabus  nga way  bay.

Matag  siyudad  daghan  ang  way  kapuy-an  busa  anaa  sa ilawom  sa taytayan,  daplin  sa sapa,  ang  uban  mangiskuwat  og  yuta aron  lang  makapuyo.

Nakita  kini  sa presidente  busa  maningkamot siya  nga kahatagan  sila  og  kapuy-an  kay  mga  tawo usab  sila,  apan  unsa  may  igasto  kun  unayon  ra pagkiriw  sa  mga  adunahan    nga  mga  opisyal  sa gobiyerno  ang  kuwarta  sa  nasud?