EDITORYAL - Ang over staying nga Brgy. Captain

Bantayanan  kini  kay  sa 2010  nga  election  sa barangay  may  kaping 4,000  ka  kapitan  kansang  termino  sa pangatungdanan nabahas  na.

Matud  pa  sa Comelec  nga  ang  maong  gidaghanon  di  na  makalansar  sa umaabot  nga  piniliay  sa barangay.

May listahan na ang  Comelec  sa maong  mga  kapitan busa  kun  mokompiyansa  sila  karon, unya  mokandidato  gyud  kunohay  luyo  sa kasayuran  nga  di na  sila  makalansar, mausik  ra  gihapon  ang  boto  sa katawhan  kay  ibali wa  kini  sa Comelec.

Ang  tanang  kapitan  ug  uban  pang  opisyal  sa barangay  nasayud  na  nga  kutob  ra  sa tulo  ka sunod-sunod  nga termino sila, base  sa balaod  sa Comelec.

Mahimo  mang  mokandidato  sila  pag-usab  apan  mopahuway  una  sila  og  pagpapili  human  sa tulo  ka  sunod-sunod  nilang  tulo  ka termino  sa panerbisyo  sa barangay.

Busa  ang  mga  molupyo  sa barangay  angay  mosuta  sa  pilion  nilang  kapitan  sa umaabot  nga  piniliay  sa barangay  sa  buwan  sa Oktubre.

Kay  basin  may  mga  over staying  na  nga  mga  kapitan  nga  di  na  angay  pa  nga  makalansar  unya  mosuway  gyud.

Kaanugon  baya  sa maong  mga  boto  nga  ibali  wa  ra  sa  Comelec.

Karon  daghan  na  ang  mga  tawo  nga  naglaraw  nga  magpapili  sa  umaabot  nga  election  sa barangay  ug  labing  maayo  kun  tinarong  ang  ilang  tumong  ug  di  kay  pamolitika  lang  ug  panguwarta.