Gisalon ta sa atong kaugalingong mantika
Kun utingkayon gyud ang pork barrel sa mga magbabalaod, nagtuo ko nga walay mahibilin diha sa Ubos Balay Balaoranan ug Senado.
Puwera lang nianang nagtinarong, halos mayoriya sa mga magbabalaod nag-“enjoy†pag-ayo sa pork barrel.
Kay kun wala pay “bulawan†nianang pork barrel, nganong sa eleksiyon sa pagka-kongresista hapit na lang maggubat ang managsakbang nga mga kandidato.
Gawas sa impluwensiya nga madungag ngadto sa ngalan ug dagway sa magbabalaod, kaniadto pa kitang nahibalo sa “kickback,†“porsiyento,†ug mga “SOP†nga ilang makuha gikan sa mga government contracts, ilabi na kanang mga proyektong inprastraktura.
Ang pagkasakop sa pork barrel scam nga nagduot kang Janet Lim Napoles usa lamang kini sa daghan pang binuang sa PDAF sa mga kongresista ug senador. Apan nagduda ko nga kini lamang ang nasakpan tungod tingale kay wala na mamaayo ang binahinay.
Ang nakasakit pa gyud niining kaso ni Napoles kay maayo kaayo nga pagkalihay gamit sa iyang abogada. Matag higayon nga adunay motumaw nga whistleblower, ang iyang abogada daling makaingon nga si Napoles nahimong adunahan tungod sa iyang negosyo.
Pustaanay pa, mosukol gyud kini si Napoles engkaso og apekehon siya human unya sa imbestigasyon sa National Bureau of Investigation (NBI) ug sa Kamara Baha.
Ang nakapait kay kun tinuod nga gipanday ni Napoles ang iyang bahandi pinaagi sa kuwarta sa mga tawo, kining kuwartaha gihapon ang gamiton sa pagsukol sa kaso.
Kun mahitabo kini, kitang mga inosenteng magbubuhis ang gisalon sa kaugalingon natong mantika.
Daghan na ang mipatim-aw ug mitug-an sa mga binuang ni Napoles.
Hinaot nga kun mobarog ang ebidensiya batok kang Napoles, mataral siya sa hukmanan ug manubag sa iyang pagwariwari (kun tinuod man ug mapamatud-an) sa kuwarta sa katawhang Pilipino.
Apan pustaanay pa, walay magbabalaod nga mapapanubag niining pork barrel scam.
Duda hinuon ko nga mahimong “sacrificial lamb†ang mga mayor nga gilambigit niining binuanga. Luoy kun mao na.
- Latest
