Ayaw pakganga

Matag usa dunay deadline nga buot kab-oton. Adunay iskedyul ug ritmo nga buot sundon.  Diha sa pagmatuto sa bata dili maayo nga atong himoon nga mapriso lamang sa gilatid nga mga iskedyul kun ritmo. Dili kita makapaabot nga mamahimong diha-diha dayon ang resulta. Kinahanglang dili nato ihiklin nga mas mahinungdanon ang bonding time kaysa paghimo sa bata nga daw robot lamang nga mosunod sa mga programa. Sugnoran ug lipangon ang interes sa bata kun kini man makaayo kaniya. Pamalandongi kining kukabildo sa apohan ug apo:

Nanay: Inday, ayaw hutda kolor ang mga larawan inday kay wala pa man ta kaabot ato nga leksiyon sa imong big book inday.

Apo: Nanay sad oi! Ganahan man ko!

Nanay: Basta! Anha ra ka kutob dili maayo nga magsupak-supak ha?!

Labina gyud sa mga artistic interests sa mga bata dili haom  nga sila pakgangon sanglit ang mga buluhaton sama sa pag-kolor ginamit ang Crayola ug bisan unsang coloring materials ang dako kaayo og kahimoan aron sila magpabiling igmat ug mapanginlabuton. Tinuod mahinungdanon ang pagkat-on sa pagbasa apan kuyog sa maong tinguha nga makakat-on ang bata sa pagbasa, mao ang paghimo sa iyang hilig nga kahimanan kun tulay aron siya makakat-on sa pagbasa.