Pork barrel: Inay wagtangon giusbawan na hinuon!

Klaro kaayong pamolitika, klaro kaayong hadlok ang Presidente sa Kongreso. Ambut nganong mamolitika pa man si Noynoy, ug ambut nganong hadlok man siya sa mga Senador ug mga Kongresista?

Tubag ni Noynoy: Kamo ba diri lalim ba? Bitaw! Dili lalim mag-presidente sa usa ka nasud sama sa Filipinas. Ambut ngano nga daghang buot mag-Presidente. Lalim, Presidente ka, unya suko nimo ang mga Senador ug Kongresista. Lisud uy! Mao nga bisag  lanog kaayo ang public opinion batok sa pork barrel, helpless si Noynoy tungod kay dili siya  buot nga mangluod kaniya ang Kongreso … ug maglisud siya pagpalusot sa iyang mga pet bills sama sa RH Bill.

Ug ikaw, Senador ka, o Kongresista … unya, walay pork barrel, mag-unsa man ka? Sige lang kag buhat og balaud? Kakapoy! Di sad lalim no? 

Pangutana: Makapanday bag mga balaud ang Kongreso bisag walay pork barrel? Unsa may relasyon sa pork barrel ug sa pagpanggama’g balaud? Dili ba molambo ang atong nasud, kun walay pork barrel?

Ikaw lay tubag ini Dro!

* * *

 Kahinumdom ko, bata pa ko (medyo dugaydugay na gyud), di pa ko elector, dihay balaudnon nga magdili pagbalibali og partido, sama nga mag-ilis-ilis tag medyas, o magpulipuli og uyab. Gitawag ni og Anti-Turncoatism Bill (hope mao ni).

Of course, wala ka first base, kay kinsa may Kongresista nga magdili sa iyang kaugalingon pagbalitok gikan sa pagka-Liberal ngadto sa pagka-Nacionalista, o gikan sa pagka-Nacionalista ngadto sa pagka-Liberal?

Ilang justification ang kang Quezon nga “My loyalty to my party ends when my loyalty to my country begins.” Sa ato pa, ang Nacionalista party dili loyal to the country, so, mibalitok siya sa pagka-Liberal. Nagbuwag sila si Don Sergio. Ngano man diay, dili diay loyal to the country si Don Sergio ug ang iyang Nacionalist party?

Anyway, history na to. Ug diha say Anti-dynasty bill. Samot nga wala maka-first base. Kay kinsa may magbabalaud nga magdili sa iyang asawa o bana, o sa iyang mga anak, o mga igsoon, ug kaparyentihan pagpa-alagad sa lungsod?

Alang nila usa ka dakung sakripisyo ang pagka-public servant. Ug nganong did-an man ang bana o ang asawa pagpasakripisyo aron moalagad sa lungsod? Husto pod. Busa, the anti-dynasty bill died a natural death.

Usahay motuyhakaw pagbalik ang isyu sa anti-dynasty, labi na panahon sa eleksyon.  Apan, kalit lang pud nga mahanaw. Hangtud na pud sa mosunod nga election season. Pastilan! Unsaon nato pag-uswag ini?

Apan, yuna pa, kinsa bay sad-an ining tanan? Di ba, ang haring lungsod? Ug gumikan sa atong kahanggaw gi-exploit kita sa mga politiko. 

Until 2016, Baby!