Mga positibong epekto kun anaa ang aktibong pagpaminaw sa mga ginikanan

2. Pag-Umol sa Tanlag o Konsiyensiya. Ang tanlag mao ang tingog sa sulod nato nga nagtudlo kanato kun unsay maayo ug unsay dautan. Matag tawo ang nakahupot ning maong kahimanan sa paghimo og mas moral nga paghukom. Unsaon man paghimo sa mga ginikanan niini?

a. Una ang pagtudlo sa ilang mga anak sa dakong bili sa paghigugma. Mahinungdanon kaayo nga sugod pa lang sa panimalay anaa na ang tunghaan sa paghigugma aron kun ang matag bata ang mahisum-ok na sa kinabag-an, maantigo silang makiglambigit diha sa paghigugma.

b. Ikaduha, ang pagtudlo sa kabataan nga dili maayong magbuhat og dautan ngadto sa atong isigkaingon. Nga adunay limitasyon ang matag buhat ug adunay balaod nga angayang sundon diha sa katilingban. Ang pagsupak sa balaod usa ka paagi sa pagguba sa han-ay ug kahiusa.

c.       Ikatulo, ang pagtudlo sa matag bata nga matag sala diay adunay tugbang silot. Paagi kini aron ang bata masayud nga dili maayong paundayonan ang dili maayong binuhatan.

Human maumol ang bata diha sa iyang moral nga pagkinabuhi, mamahimo siyang andam usab diha sa pag-umol sa iyang kinaiya. Nga mamahimo siyang responsable sa iyang binuhatan. Dili maayong ihalason ang bata gikan sa pag-antos ingon nga linugdangan sa matag binuhatang hiwi. Kini paagi aron ang bata masayud nga dili usa ka balighot ang matag silot. Nga ang matag silot kamatuoran nga masinati ni bisan kinsa nga nakasala. Nga ang disiplina pamaagi aron mas mapul-onga ang matag sama sa usa ka tanom aron mamahimo siyang magmabungahon. Kay kondili, ang tawo mahisama sa mga kamatis nga nasaglan og usa ka buok lata nga kamatis ang matakdan sa pagkalata kondili ilabay ang lata nga kamatis nga nahisagol sa mga nindot nga mga kamatis.