Mga positibong epekto kun anaa ang aktibong pagpaminaw sa mga ginikanan

Kanus-a man Silotan ang Bata?

1. Silotan ang bata kun magbalik-balik siya sa iyang hiwi nga mga binuhatan. Pananglitan, ang bata kapila na buyaga nga dili maayo ang paglabay-labay sa pan apan padayon gihapon niya kining buhaton sa matag miryenda kay imbis mokaon, iya na man lang duwaan ang pan. Ning puntoha angay siyang silotan pinaagi sa paghikaw kaniya sa pan.

2. Silotan ang bata kun naglambigit na kini sa iyang seguridad. Pananglitan, ang imong anak molighot og adto sa dagat nga siya rang usa kay maligo bisan kapila na nimo siya ingna nga maligo lang og dagat kun naa sila mama ug papa o dili ba sila ate ug kuya. Mahimo pud kining pakapinan og lagpak aron siya makaamgo sa iyang sayop.