Pagkaong makapaseksi

Nindot kaayo tan-awon ang atong lawas nga kasarangan lang ang gidak-on.  Kanang dili pud sobra kadaut o katambok. Kadtong nagpakabana sa ilang panglawas, nag-ehersisyo ug mabinantayon sa ilang pagkaon. Kay alang kanila, ang pagkaseksi o macho ang lawas, gaan o abtik pamation ang panglihok.Dili dali kapoyon mora’g kanunay batan-on nga positibo ang mga panghunahuna.

Ang hinungdan gayud aning problema sa obesity o sobra ka tambok mao ang istilo sa kinan-an o pagdayet. Dili balance ang atong gipangkaon. Angay nga makat-onan ang husto nga carbohaydrits-60% protinas-25% fat (tambok)-15% kada-adlaw. Ug ang natural isugnod nga kaloriya sa lawas dili molabaw gikan sa 1200 (kcal) ngadto sa 2000 (kcal) kada-adlaw, magdepende sa panginahanglan.

Sa mga nasod, sa pagtoon sa mga ekspertong nutrisyonista o daytisyan, mikompirmar sa mga prutas/utanon maoy makapadaut o makapaseksi, sama sa:

* Utanon ug salad – Segun sa pagdukiduki nga napagawas sa Journal of the American Dietetic, ang tawo nga mahiligon sa pagkaon aning mga utan o salad, adunay mas daghan o lig-on nga mga antioxidants sa dugo. Dasok sa fiber ang mga utanon, nga sa gamay lang nga kaloriya mabusog dayon.

*Ubas o Grapefruit — Sumala sa mga batid sa Louisiana State University, ang tulo ka beses sa pagkaon og ubas sa tibuok adlaw, makakunhod sa tambok og 4 lbs. sulod sa 3 ka buwan. Matud nila ang asido nga anaa sa ubas ang nakatabang nga mapahinay ang pagtunaw, mao nga dali ra kita mabusog.

*Mansanas – Segun sa mga sayantis sa Penn State, ang pagkaon og 1 kabuok ini sa dili pa maniudto, makuhaan og 187 (kcal) ang gidaghanon sa makaon. Kini tungod sa pectin fiber nga anaa sa mansanas.

*Saging– Sa Japan maoy uso ang pagkaon sa saging, mao nga daghang mga tawo didto nga nigamay o nidaut ang lawas tungod sa ilang “Banana Diet”.

*Pears – Prutas kini nga mora’g mansanas ingkibon. Tulo (3) kabuok ang kaonon kada-adlaw. May mas dagha’g fiber ug mas paspas ang pagkunhod sa timbang. Busa unaha nig kaon aron ang isunod mong kaunon mabusog kana.

*Itlog– Giingon sa American Nutrition College, ang pagkaon sa buntag og usa ka buok itlog makapabusog na sa pamahaw. Girekomendar sa American Heart Association nga kutob lang sa usa (1) kabuok kada-adlaw.