Driver’s license magamit sa discount

Waa lang ta magtagad ini, hangtud nga usa ka inilang abogado sa Manila, wala kahatagig discount tungod kay wala niya madala ang OSCA ID ug ang gipresentar ang iyang driver’s license.

Iyang gikiha ang duha ka dagkung kan-anan, ang Cafe Mediterranean sa Resorts World sa Pasay City, ug Black Canyon Coffee sa SM South Mall sa Las Piñas City, sa dili nila paghatag og discount tungod kay driver’s license ang iyang gipresentar.

Ang abogado, si Romulo Makalintal, naila sa iyang kasinatian sa mga balaud sa election, usa ka election lawyer, matud pa, miinsister nga any government-issued ID magamit sa mga senior citizens pag-avail sa discount.

Si Benjie Culpa, senior citizen sa Tagbilaran City, nanawag sa Senior Citizens Hour sa dyRC, pagpadayag sa iyang kahimuot sa nahitabo ni Makalintal, nakapa-aware sa mga senior citizens sa tibuok nasud ning maong kasayoran.

Ang ulohan sa balita (lagmit nakabasa sad mo ini) nga nakapa-attract kanako, nagkanayon: “Lawyer known for poll recount now fights for ‘senior’ discount.” Nindot paminawon. Tiaw moy usa ka bantugang abogado makigbugno batok niadtong dili motahod sa mga senior citizens.

Atong kutloon ang Implementing Rules & Regulations (IRR) sa Balaud 9994 kon Expanded Senior Citizens Act of 2010 - Rule III, Art. 5. Definition of Terms: 5.5: “IDENTIFICATION DOCUMENT – refers to any document or proof of being a senior citizen which may be used for the availment of benefits and privileges under the Act and its Rules & Regulations shall be any of the following:

a)Senior Citizens’ Identification Card issued by the Office of Senior Citizens Affairs  (OSCA) in the city or municipality where the elderly resides; b) The Philippine passport of the elderly person or senior citizen concerned; and  c) Other valid documents that establish the senior citizen or elderly person as a citizen of the Republic and at least sixty (60) years of age, which shall include but not limited to the following government-issued documents indicating an elderly’s birthdate or age: driver’s license, voter’s ID, SSS/GSIS ID, PRC card, postal ID. “

So, klaro kaayo. Sa ako nang giingon, waa lang ta magtagad ini. Maoy atong pagtuo nga ang OSCA ID ra gyuy magamit pag-avail sa mga discounts ug benefits sa senior citizens.

Karon, sa gi-condition ni Makalintal, aron dili mapadayon ang kaso, ang duha ka establishments 1) mihimo’g public apology, 2) mipasalig nga magbutang sila’g mga paskin pagpahibawo sa mga ID nga mahimong magamit, ug 3) mi-donate, matag usa kanila,  balig P20,000 nga pagkaon ngadto sa usa ka Home for the Aged, o ngadto sa usa ka charity institution alang sa mga senior citizens.

Ang subsequent nga headline nagkanayon: “Lawyer accepts apology from restaurants.” Nindot no?