Managlahi man ang Relihiyon

Usa sa mga kasinatian nga dili nako makalimtan mao kadtong higayon diin ang akong inahan nasakit og Stage 2 Colon Cancer. Sa laktod, panginahanglan kaayo ang dakong kantidad aron sarang magamit. Daghan kong giduol nga mga kaparian ingon man ang mga kadagkoan gumikan sa maong panginahanglan.

Hinuon dunay pipila nga mibulig samtang ang kadaghanan kanila nibalibad. Ang rason wala sila’y ikahimo. Salamat sa mga layko nga bisan sa ilang kalisud ang nibulig kanako panahon sa maong krisis.

Ang akong mama na-confine sa Visayas Community nga gidumala sa UCCP. Akong nahimamat ang pastor didto ug sa iyang pagkasayod nga ako pari sa Katoliko gihatagan ko niya’g dakong diskwento igo nga maka-menos sa akong kalisud. Tingali it takes a Protestant to understand a Priest.

Mao alang kanako dili nako angay’ng hikalimtan ang kaayo sa maong pastor nga ni-facilitate sa akong panginahanglan. Giisip ko niyang igsuon ug wala niya pahimusli ang akong panginahanglan aron sila mas moginansiya pa gyud. Dili sama sa ubang Katoliko nga gamiton ang imong panginahanglan aron sila modelanto.

Kini usab ang mensahe nga gipasibaw sa atong ebanghelyo karong Domingoha. Ang mga Samaryanhon gipang-ayran sa mga Judio kay lagi taas man kaayo og panlantaw ang mga Judio sa ilang kaugalingon ug ubos alang kanila ang mga Samaryanhon. Apan ang balighot mao, ang Samaryanhon nga inayran maoy nipakita nga siya haom ug takus nga pagatawgon nga higala ug isigkatawo kaysa Pari ug Levita nga mas nipalabi sa Balaod sa Panglinis kaysa pagluwas sa kinabuhi.

Angay natong hinumdoman ang giingon ni Papa Francisco: “We need to return to the basis of brotherhood. Faith teaches us to see that every man and woman represents a blessing for me. That the light of God’s face shines on me