Wala pasudla
Niadtong Miyerkules sa buntag niadto sa Palace of Justice si Gobernador Junjun Davide aron mobisita unta sa iyang higala nga usa ka judge. Wa siya pasudla kay wa makaila niya ang mga sikyu.
Grabe. Nakaila man gani sa bag-ong gobernador ang maid sa among silingan nga grade two ra.
* * *
Paila lang nga dili magbasahan og newspaper o magtan-awan og TV ang maong mga sikyu sa Palace of Justice. Ug kun manan-aw man og TV, ang telenobela sad tingaling tan-awon.
May na lang gani kay pagkahambol anang atong gobernador. Parehas iyang amahan nga kanhi Supreme Court Chief Justice. Dili hambugero. Sugot lang wa pasudla. Uban pa to, bisan barangay konsehal lang, ambot lang.
* * *
So unsa may gihimo ni Gob. Junjun? Way reklamo nibalik na lang sa iyang opisina. OK ra kuno nga wa siya pasudla sa Palace of Justice. Nagtuman ra man kuno sa ilang katungdanan ang maong mga sikyu.
Nag-apologize man kuno ang mga jaguar apan sa hangin na lang kay wa na man diha ang gobernador. Nananghid pa gani kuno (suma sa balita) nga: “Adto na lang ko. Mobalik lang nya ko.â€
* * *
Hay mas maayong papitlan og mga dagkong nawong sa mga opisyal sa Kapitolyo ang entrance sa Palace of Justice? Aron sa paglikay og panaglalis tali sa sikyu ug sa burokintong opisyal nga di pasudlon kay wa hiilhi.
* * *
TRIVIA. Maayong buntag sa atong mga higalang magbabasa diha sa mga opisina sa Kapitolyo. Daghang salamat sa inyong suporta sa Banat News.
- Latest
