Pagpa-abolish sa SK

Si Rep. Edgar Erice sa Caloocan City, mi-file sa HB 1122 nga mag-amendar sa Local Government Code pagpa-abolish sa SK ug pagtukod sa Barangay Youth council. Earlier, ang Comelec namahayag nga ilang kombinsehon si Noynoy nga iuswag ang eleksyon sa SK,dili idungan sa eleksyon sa mga kapitan sa barangay, samtang magtimbangtimbang kun kinahanglan bang i-abolish ang SK o dili.

Si Sixto Brillantes, Comelec Chairman, namahayag nga kun i-postpone ang SK election, nagpasabot nga: “our country can do without the SK. Ultimately, its abolition will follow.”

Sa iyang bahin, si Romulo Macalintal, usa ka election lawyer, namahayag usab nga ang SK wala maka-serve sa purpose nga mao unta ang pagbansay sa mga batan-on sa matarong nga paagi sa politika.

Si Comelec Commissioner Lucenito Tagle midason usab nga kono ang SK nahimong breeding ground for political dynasties. Kaylagi, kasagaran sa manglansar (mudaog ra ba) mga anak o mga paryente sa mga  incumbent nga local officials.

Unya, sayo silang ma-exposed sa corruption. Sa eleksyon, makadungog kita nga mahitabo usab ang vote buying, ug ubang mga malpractices sa eleksyon. Ug kun mangutana ta: unsa man gyuy nahimo sa SK, unsa may ilang natampo sa nation building?

Sa iyang pagduso sa balaudnon nga mag-abolish sa SK, si Erice nagkanayon: “Through the years, it has been observed that the ugly side of Philippine politics has served to distract the SK from its primordial mission. It has become the logical first target of any local politician seeking higher position.” Tinuod.

* * *

Daghan nang rural banks ang nasirhan. Ngano man? Pagkabangkarota ang sagad nga hinungdan. Nganong ma-bankrupt man? In some instances, mora man og unayon lang sa mga tag-iya ang bangko.

Naka-manage man kog rural bank sa Mindanao. Ayaw lag mog pangutana kun diin. Basta kay, kun ayuhon lag dala, ug dili manghilabot ang mga tag-iya, seguro gyud nga molambo ang bangko, ug imposible kaayo nga mabangkarota.

Miagi mig duha ka semana nga training sa Central Bank sa kaulohan, una buksi ang  bangko. Sa akong hinumdoman, total investment, P50,000 da, P25,000 ini, counterpart sa gobyerno, pinaagi sa DBP.

First year sa among operation, bali rag P2,000 ang gitugot nga mapahulam. Ug agricultural loans lang. Walay commercial loans. Amo gyud ning gituman. Wala usab itugot ang mga commercial loans. 

Ang rate sa rediscounting of notes niadtong panahona, 2% da, ug ang among pagpahulam, 12%. Hayahay kaayo. Sultihan ta mo, maayong mamayad ang mga mag-uuma.

First year namong operation, waa mi overdue accounts. Akong nadunggan nga naka-incur na ang bangko og mga bad debts, sa diha nga mi-cater na ang mipuli kanako sa mga commercial loans gikan sa mga borrowers sa siyudad. Ug ang mga tag-iya sa capital waa gyud manghilabot sa operation.

Busa, daku ang akong katingala ngano nga daghan nang mga rural bank ang natak-upan, ug nganong mabangkarota.