Panabot sa usa ka bata mahitungod sa iyang kaugalingon: Tulo ka mga pagbati

Imbes  molambo ug mohamtong ang bata dili na hinuon siya makahimo niini gumikan sa naghinobrang pagbantay sa iyang ginikanan. Nindot nga mogahin kita og panahon uban sa atong mga kabataan. Dili kini mahitungod sa gitas-on sa panahon kun dili sa matang sa panahon nga atong gihatag. Ang bata makaumol na hinuon og kinaiya nga magsalig sa iyang ginikanan mura naman hinuon og nahimo siyang sumpay sa personahe sa iyang ginikanan.

3.  Pagkawalay kaikag sa panginlabot. Dunay mga ginikanan nga maayo man tuod tan-awon makahatag sa mga panginahanglan sa iyang mga anak apan wala gani mopakita og dakong kaikag nga malipay sa panahon nga iyang anak malipay o maguol kun ang iyang anak maguol. Daw mahimong maanaa o wala diha ang bata. Dili kini mahinungdanon alang sa maong ginikanan.

Angay hinumdoman sa mga ginikanan nga kun unsang matanga sa kinaiya nga gipakita sa ilang mga anak ang mosalamin gyud kun unsang matanga sila sa pagka-ginikanan. Tinuod dili man hingpit ang pagka-ginikanan apan ang tumong ug tuyo sa pagka-ginikanan mao gyud ang pagkahimong sukaranan diha sa edukasyon sa mga kabataan. Kini nagpasabot nga ang Edukasyon (gikan sa Latin nga  Educere) nga nagpasabot og “pagkuha gikan” diin ang ginikanan maningkamot nga makuha gikan sa bata ang bisan unsa nga maayo nga anaa kaniya. Tudloan ang bata nga mopadayag sa iyang kaugalingon sa mas himsog ug tawhanong paagi. Kay bisan sila mga anak sa ilang ginikanan, dili sila kabtangan sa ilang mga ginikanan o mga robot nga yawehan aron molihok sibo sa kabubut-on sa ilang mga ginikanan.-- Sumpayan pa