Panabot sa usa ka bata mahitungod sa iyang kaugalingon

Ning maong kapasikaran, atong nakita nga ang bata dili usa ka passive nga linalang lamang. Hinunoa, aktibo siyang nanginlabot sa mga panghitabo sa palibot apil na niini ang mga tawo nga  mahinungdanon kaayo alang kaniya apil na niini ang iyang mga ginikanan. Isip ginikanan, mahinungdanon kaayong imong hinumdoman kining mosunod:

1. Ang imong pinulongan. Sa inyong panimalay, unsay kasagaran nimong masulti o imong lingwahe? Binastos ba? Balikas ba? Pagdayeg ba? Kasaba ba?

2. Ang imong naandang ritwal matag adlaw. Unsay makita sa imong mga anak matag adlaw? Sulundon ba ang imong gipakita o salawayon ba kaha?

3. Ang imong reaksiyon. Sa higayon nga ikaw dunay problema unsay imong kasagarang buhaton nga nasinati sa imong mga anak? Kay ang mga ginikanan nga dili mabinantayon ang mohimo og sweeping kaayo nga komentaryo ug panahon nga usahay dili ikaayo sa pandungog ug pagbati sa kabataan. Sama pananglit niini: “Mao lagi ning resulta sa daghang anak oy! Putos ta sa utang!” Unya nakadungog ang imong anak. -- Sumpayan pa