Attachment to the world

Mo-tulo na ka semana gikan sa miaging eleksyon, apan, pipila sa atong mga kolumnista ug komentarista sige pa man og dinautay, as if panahon pa sa kampanya. Wala pa man sila pul-i! Ang nangapilde, gipunayan pag daut. Pilde na, ginudnod pa gyud sa tumang kadautan. Pastilan!

Subra ra gyud kaayo ang atong pagka-attached sa kalibutan, sa walay paghunahuna sa pagbati sa uban. Ang politika atong gihimong venue pagpasakit sa uban, sa tuyo nga ma-impress  ang nagbayad kanato.

Maoy nagpatigbabaw sa atong panghunahuna .. ang mga kaayohan nga atong maani gikan sa, atong maingon … sponsor. Sa ato pa, pulos material, pulos mga butang nga iya sa kalibutan. Makalimot kita nga aduna kitay laing attachment, nga mas labaw pa kay sa atong attachment to the world.

Sa iyang column sa Inquirer, si Fr. Ruben M. Tanseco, SJ, nagkanayon: “When everything is said and done, the only attachment that matters is your attachment to God, and his attachment to you.”  Bitaw, apan, gumikan sa politika, mas ma-attached kita sa kalibutan kay sa Ginoo.  

Sa ato pa, at the end of the day, in the final analysis, tapus niining tanan ning kalibutan, ang mahibilin na lang sa tawo, mao ang iyang attachment to God, kun unsa siya ka-suod ug ka-duol sa Ginoo. Dili na mo-count ang atong attachment to the world and to the dirty arm of politics.

Ning lumalabay nga kalibutan, daghan kaayo ang atong mga attachments. Nag-una niini mao naghingapin natong pagka-attached sa bahandi, to the extent nga modangop kita sa pagpangurakot.  Maoy hinungdan nga naglisud intawon si Noynoy pagsulbad sa corruption, tungod kay, almost everybody, hapit kitang tanan na-attached na pag-ayo sa bahandi.

Miadayon si Fr. Tanseco: “We must learn to discern the difference between human needs and worldly attachment, and courageously resist the latter. A habitual awareness of God’s presence as my constant companion empowers me to resist temptations.”

Lisud ang paglikay sa mga haylo sa kalibutan. Lisud pagbalibad. Apan, matud ni Fr. Tanseco, kun ikaw haduol kanunay sa Ginoo, magbaton ka’g igong kaisog ug gahom pagbatok sa mga tentasyon ning kalibutan.

Sa inyong nasayran, sa tulo ka higayon, si Jesus mismo, sa iyang pagkatawo, gihaylo sa Yawa: Una, nga ang mga bato sa disyerto Iyang himoon nga pan; ikaduha, nga muambak Siya gikan sa kinatas-ang bahin sa templo – tan-awon kun salbahon ba siya sa mga anghel; ug ikatulo, nga kon mulohod lang siya sa Yawa, Iyang maangkon ang tanang bahandi ug gingharin ning kalibutan.

Kining tanan, mi-resist si Jesus. Matud ni Tanseco: “Throughout his life, Jesus led a simple life and lovingly shared Himself and what He had with God’s people. He stressed the temporality of wordly possessions.”  Mahimo kaha ni nato nga mamintaha man gani ta, manglupig, manikas ug mangurakot aron makabaton niining mga worldly possessions bisan kun nahibawo kita nga kining tanan mahanaw ug temporaryo da?

Grabe na kaayo ang mga tentasyon ning kalibutan. Kinahanglan makabaton kita’g igong kaisog pag-resist niining tanan. Atong paningkamotan nga ma-detach kita gikan sa pagkaulipon sa bahandi, aron usab, at the same time, dili ta maakusahan og unexplained wealth. Lisud no?