MAYO 12, 2013: Solemnidad sa pagsaka sa langit sa Ginoo

Mga Pagbasa: Buh.1;1-11/Sal.47/Heb.9;24-28;10;19-23 or Ef.;17-23/Lk.24;46-53

Pagpaabot

Sa wala pa si Jesus bayawa ngadto sa himaya iyang gimaymayan ang iyang mga tinun-an sa pagpaabot sa kabilin nga ihatag kanila sa dili pa sila mopadayon sa mga buhat nga iyang nasugdan uban kanila. Kini ang gasa sa Espiritu Santo ang kinabuhi ug gininhawa nila ingon nga katilingban, ang kinabuhi ug  gininhawa nato ingon nga simbahan. Mao nga sila samtang nagpaabot ang nibalik sa ilang naandang buluhaton matag adlaw nga mao ang pag-ampo,pagdayeg sa Dios uban ang pagpamalandong sa Pulong uban ang kalipay ug inigsuon kahiusahan.

Ang pagpaabot mamahimong passive ug active. Passive kun wala kay buhaton in between sa gikatakdang panahon sa moabot nga mahinungdanong panghitabo.

Active kun ikaw nga hingtungdan ang nahimong usa ka aktibong partisipante sa moabot nga mga panghitabo. Kuyog ning maong panginlabot mao ang pailob sanglit, dunay mga unexpected interruptions nga dili tuyoong mahitabo sa atong kinabuhi.

Sama pananglitan sa mga politiko ning mga panahona karon ang uban kanila aktibo kaayong nagpaabot sa kulbahinam nga adlaw sa piniliay nga tungod niini nahimong by word nila ang pagdinautay ug nilabayay sa mga baho sa ilang mga binuhatan. Kuyog niini ang pagkamapintason ug pagkamahagiton wala pay labot sa pagbuyboy ug pagpanghimaraot. Ato silang i-ampo aron sila malamdagan ug makaalinggat sa buhing kamatuoran nga kun buot hunahunaon dili lang sila ang bugtong dunay kapasidad nga modumala kang Haring Lungsod.