Pinustaanay
Duha na lang ka semana, eleksyon na. Sa pagkakaron, kasagaran sa mga ekspertong tigpaniid sa politika nagkauyon sa ilang obserbasyon nga sakit ug higpit kaayo ang kontes tali ni Mayor Mike Rama ug Rep. Tomas Osmeña.
* * *
Gani suma pa sa usa ka “Kristo,†ang tawo kang kansang trabaho mao ang pagpangita’g modawat sa pusta sa iyang amo, walay “partida†ang pinustaanay tali nilang Mike ug Tom O. Ang pasabot niya sa walay “partida†mao nga pareha ra ang pusta ... pananglitan, P1,000 kontra P1,000.
* * *
Apan suma pa sa pipila ka mga tigpaniid naay mohatag og “partida†sa ilang pusta kang Tom kun hatagan og “plus votes†si Mike Rama. Pananglitan ang pusta nga P1,000 para ni Tom modaug ra og P1,800 kay ingon gyud kuno ana kun inilog ang gipustaan.
* * *
Sorry kay dili ako hanas bahin ining pinustaanay sama sa pinustaanay sa buwangan. Basta kay suma pa sa atong tinubdan patas ra ang pinustaanay. Duna kunoy logrologro sama sa buwangan apan tagsa ra.
Gipasabot ra kita sa mga beteranong sugarol nga patas-patas pa ron ang pinustaanay sa pagkamayor sa dakbayan sa Sugbo. Mousab pa kuno ang giingon “partida†samtang magpaduol na gyud ang piniliay.
* * *
TRIVIA. Maayong buntag sa atong mga readers diha sa luyo sa Jai-alai sa Mambaling ug sa atong mga suki diha sa Little Baguio sa Mambaling gihapon. Daghan salamat sa inyong suporta sa Banat News.
- Latest
