Mga ang-ang ug ang mga sikolohikal nga implikasyon sa paglubong

a.) Kabinhod (Numbness) diin sa daklit nawala ang pagbati kini aron mapanalidpan ang kaugalingon sa kasakit nga linugdangan sa pagkawala nga nahitabo diha sa pamilya apil na niini ang kamatayon. Sa daklit makasinati og kalibog, kabalisa, ug kawalay kapaingnan ang nagbangotan. Alang kaniya, daw sa wala nahitabo ang kamatayon. Sa laktod, nagdumili siya sa pagdawat sa maong kamatuoran.

b. Kahaw-ang, kamingaw. Pag-inusara.

1. Kahaw-ang -- Masinati kini sa usa ka tawo diha sa aspeto sa iyang pagkiglambigit sa iyang isigkaingon. Bisan adunay mga tawo sa iyang palibot, apan nasinati sa maong tawo nga nagpalibot kaniya,  ang walay pagkabana sa iyang kahimtang.

2. Pag-inusara -- Diin ang hingtungdan ang nakasinati og mga dili makitang mga utlanan nga nibabag sa iyang kalambigitan ngadto sa ubang mga tawo.

c. Kalisang ug kabalaka

Matang sa mga pagbati o imosyon nga adunay mahimong masinati sa tutulo ka mga paagi:

1. Kalisang nga mabiyaan -- Pagbati kini sa pagkawalay “mahimo” mahimong masinati kini sugod sa pagkabata hangtud na sa pagkahamtong.

2. Kabalaka sa Panagbulag -- Naanad kita sukad pa kaniadto nga duna kita’y kuyog o kauban labian kun ang atong ikauban (inahan, amahan, bana o asawa) mga tawo diin atong gisalig nato ang atong kaugalingong seguridad.