Unsaon pagdani aron maminaw

Ang tanang tawo makamao sa pagsulti apan dili tanan adunay hiyas sa pagdani sa mga tawo aron ikaw paminawon. Kay usa kini ka talento sa iyang pagkatawo apan mahimong makat-onan pinaagi sa mga kasinatian sa pakighinabi sa mga tawo nga may iya-iyang talagsaon nga kinaiya sa pagdawat sa mensahe. Lisod kini kun ikaw basta lang nagsulti nga way diskarte sa pagkombense sa tuyo mo.

1) Ihulagway ang tumong sa pakigsulti-sinatia pag-ayo ang gusto mong reaksyon sa naminaw.  Una mopadayag, kuhaa ang gusto o interest nga maikag sa imong mensahe.

2) Ilha ang tigpaminawan nimo- sa ilang mga kasinatian, ang gusto paminawon, kun nagtagad ba sa gipanulti mo ug katakos sa pagsabot.

3) Ilha ang katakos mo isip tigpadayag- ang pagsagop sa tukmang istilo nga klaro ang pulong ug tuno sa pagsulti, nga mohaom ang kahulugan o entrepretasyon sa mensahe.

4) Ilakip o i-apil sa senaryo ang mga tigpaminawan- aron maaktibo sa kareyalidad nga madasig sa pagnunot nga gusto gyud nga makasabot.

5) Kombinseha ang tigpaminawan- sa agresibo o kahugtanon sa kompyansa ug kahinam pinaagi sa pulong o lengwahe sa lawas.

6) Tandoga ang ilang alimpatakan-sa mga naminaw nga positibo nga masuportahan, maampingan nga dili madaot ang garbo.

7) Pagkontrol sa dapit ug oras-sa pagpadangat sa mensahe kun makita mo nga andam na sa ilang gusto nga masayran, ug ipahimutang sa komportable nga dapit nga di matugaw.

8) Kwentada sa resulta- kun natumong ba sa target segun sa imong katuyoan aron imong kakuhaan og base para unsay himoong kausaban moepekto ang mensahe, hangtod mahanas ka sa pagdani’g mga tawo.

Busa sulayi kuno kini basig makatabang sa imong panginahanglan diha sa kalingawan, kapanginabuhian, ug ubang kapuslanan nga mopalig-on sa imong katakos nga mopalihok sa katawhan nga dad-on diha sa imong kapalaran. 

Sa tanang gimbuhaton, mapuslan kini nga dili mo damhon, mopatunhay sa kaakohan nga kayukboan ka sa katilingban, diha sa gahom nga ikaw katuohan.

Minugbo ug linaktod lang kining gitagik tang mga lakang, giya nga inubanan sa kasibot mong magkat-on sa pagbasa sa hunahuna ug pagbati sa isig katawo.

 Inig ka hanas mo ini, masayon na nimo matugkad makuha ang pagsalig nila nga moabag sa kalihokan nga mosanong sa mga kalamposan nga alang sa tanan.