Ikalimang hilisgutan: Ang proseso sa dili pa himoon ang eksorsismo

7. Pagdasig sa pasyente o biktima nga mamahimong aktibo ning maong espirituhanong gubat alang sa iyang kalingkawasan gikan sa gahom sa dautan. Angay siyang manginlabot diha sa makanunayong pag-ampo ug pagyahat alang sa Diosnong Panabang.

8. Pagsalindot ug pagsalikway sa mga occult paraphernalias (habak, anting-anting) nga maoy nahimong agianan sa dautang espiritu sa iyang kinabuhi.

b. Alang sa Eksorsista ug sa iyang mga Kaubanan

1. Ang Pundok sa Exorcism Team/Deliverance Team

a.Pagalangkoban kini ning mosunod:

1. Ang chief exorcist (usa ka pari)

2. Assistant exorcist (usa ka pari)

3. Doctor

4. Abogado

5. Upat ka mga layko nga mga sakop nga dunay karisma ug kahibalo sa Exorcism and Deliverance. Sakop sila sa mga Charismatic Communities ug anaa sila sa hustong panglawas aron kun magkinaunsa, makahimo sila pagpugong sa nasudlan kun kini mamahimong mapintason. Ang mga pag-ampo nga gamiton nagasukad sa Rituale Romanum Vol. II. Kini kun ang kaso mao ang Demonic Possession ug nagkinahanglan og usa ka Solemneng Eksorsismo.

6. Alang sa pagahimoong deliverance sessions (sa mga kaso sama sa oppression ug obsession), nagkinahanglan kini og tulo ngadto sa upat ka mga miyembro nga pagalangkoban sa pari ug mga layko nga nakabaton og mga hiyas ug gasa sa pagpalingkawas.

7. Ang mga sakop mohimo og pagtubag o pagsabat sa mga pag-ampo nga pangulohan sa chief exorcist alang sa solemneng eksorsismo ug sa pangulo sa deliverance team.

8. Kun babaye ang biktima mas maayo nga dunay mga babaye nga motabang sa maong proseso ingon nga sugo sa delicadeza.

PAHIMANGNO:

Ginadili ang pagtambong sa maong proseso kun tinukmod lang sa pagkakuryuso kay imbis makatabang, makasamot na hinuon sa problema.

2. Pangandam sa Exorcism ug Deliverance Team

a. Pagsaulog sa Santos nga Misa alang sa kaayohan sa biktima ug sa panalipod sa pundok.

b. Pagkalawat

c. Pagkompisal

d. Pagpuasa

e. ‘Pag-ampo atubangan sa Santisimo Sakramento sa Altar.