Hinumdom

Dili maayo nga mohukom dayon nga ang usa ka tawo hingyawaan. Matarong nga mohimo og usa ka preliminary investigations. Kini naglangkob sa paghimo og personal nga pagduaw ug pakighinabi sa pasyente ug sa mga tawo nga nalambigit sa iyang kahimtang apil na niini ang pamilya. Sutaon ang maong pasyente ug ang iyang pamilya nagbansay ba sa diwatahan, maayo ba ang ilang kahimtang espiritwal. (hinimbahon ba o dili). Aduna ba sila’y kaliwat nga nakasinati sa ingon nga kahimtang (depression ug sikolohikal nga problema). Aduna ba’y occult paraphernalias (oujia board, anting-anting, habak). Kun nakita nga dunay dakong posibilidad nga usa ka espiritwal nga balatian ang nahiaguman sa pasyente, angay lamang nga mohimo og mga lakang alang sa ikaduhang proseso. Ang pormal nga interview, katesismo, ug psychiatric evaluation.