Hinumdom

24. Adunay kausaban sa temperatura. Kasagaran ubos ang temperatura nga sa ato pa, mamahimong bugnaw ang maong dapit ingon man sa tawo nga “hingyawaan.”

25. Nakasinati ang mga tawo sa panimalay nga sila daw gisud-ong bisan kun anaa silay kauban o mga kaubanan.

26. Makadungog og mga tingog ang mga pumupuyo bisan pa man kun sila ra ang anaa sa balay.

27. Madungog nga pagasangpiton ang pangalan bisan pa man kun nag-inusara lamang ang pumupuyo.

28. Pamati nga dunay huyohoy sa hangin bisan pa man kun sirado ang mga bintana.

29.Mapalong ang suga bisan pa man kun kini gipasiga sa tagbalay.

30.Mapalong ang suga ug dili na kini mosiga.

31.  Adunay masinating panimalos kun adunay mosuway og pakgang sa maong kalihukan.

32. Mohunong ang maong mga paranormal nga kalihukan kun magsugod na ang pag-ampo sa banay.

33.  Makasinati og mga pisikal nga pag-atake ang mga hingtungdan sa dili makitang pwersa sama sa sumbag, paak, paglabnot sa  buhok.

34.Sikolohikal nga pag-atake diin ang yawa motira sa imong kahuyangan.

35. Pag-atakeng sekswal.

36.Molutaw ang biktima ug mga butang (levitation).

PAHINUMDOM

Ang eksorsista kuyog sa iyang mga kaubanan sa Exorcism Team ang kinahanglang mohimo og usa ka makuting pag-imbestigar kuyog sa mga eksperto nga molangkob sa mga doctor, sikolohista, abogado ug uban pa.

kini aron matino nga ang kaso mismo usa gyud ka matuod nga kaso sa Demonic Possession. Dugang pa, mahinungdanon kaayo ang makanunayong pagpamalandong ug pag-ampo.

Dili maayo nga magdali dali diha sa paghukom sa matag kaso sanglit, imbis kini makatabang, makadugang na hinuon sa problema sa hingtungdan.