Pope Francis

Daghan kaayong mga tinagsip nga impormasyon kabahin sa atong bag-ong Santo Papa nga si Francis, kang kansang kompletong ngalan mao si Jorge Mario Bergoglio.

* * *

Pananglitan si Pope kon Papa Francis maoy labing unang Santo Papa nga migamit sa ngalan nga Francis nga iyang giadoptar gikan ni Saint Francis of Assissi ug Saint Francis Xavier.

* * *

Si Pope Francis maoy labing unang Jesuit nga nahimong Santo Papa ug labing una usab nga Santo Papa gikan sa South America.

* * *

Nagpuyo si Francis sa Cardinal pa siya dili sa mahalon nga puloy-anan alang sa mga Cardinal kun dili sa apartment lang. Ug kanunay siyang makit-an nga nagsakay sa publikong transportasyon ug sa subway train.

* * *

Suma pa sa mga sinuwat bahin kaniya, si Pope Francis naanad sa pagpuyo og simpli lang susama ni Saint Francis de Loyola kinsa bisan gikan sa adunahan nga banay nagpuyo og pinobre.

* * *

Si Pope Francis wala mahisud sa listahan sa napu ka mga “papabili” kinsa giilang maoy mga Cardinal nga dunay dakong kahigayonan nga mapiling Santo Papa.

* * *

TRIVIA... Daghang salamat sa atong mga bumabasa nga nagpadayon og suporta sa Banat News.