EDITORYAL- Si Pope Francis gusto og kausaban

May  mga  plano  sa kausaban  sa Katoliko  ang bag-ong  Sto. Papa  ug  wa  pa  niya  ibungat  kun  unsang  matang  kausaban  ang  iyang  himoon.

Kun  ang  iyang  giplano  mao  ang  kausaban  sa doktrina  o  pagtulun-an  sa Katoliko mahimong  aduna  tingale  idugang apan  lisud  nang  kuhaan.

Kun bahin  sa kinaiya  sa  iyang  mga  Cardinal ug  mga  kaparian, lisud  nang usbon  kun  ang  usa ka tawo  naanad  sa  iyang  namat-an  ug  kahayag  nga  kinaiya.

Ingon  usab  niini  kun  naglaraw  man  ang  bag-ong  Sto.Papa  sa  pag-usab  sa  kinaiya  sa  1.2 ka membro  nga  Katoliko, susama  gihapon sa mga  Cardinal  ug  mga  kaparian nga  kun  way  bug-at  nga  desiplina  nga  ipahamtang  ang  simbahan way epek  ang desiplina  niini.

Ang epektibong  modesiplina  sa tawong  yabag  mao  ang  mga  balaod  sa goberno  kansang  silot  sa prisohan  maoy  makapitol  sa  di maayong lungsoranon.

Pipila sa doktrina  sa Katoliko  nga  nahasulat  sa Biblia  mao  ang  pagpugong  sa  iyang  kaparian  sa  pagminyo  ug  ang  di pagpakaon  og karne  sa tanan  niyang  sakop.

Mga  doktrina  ug  pagtulun-an  kining  di angay  usbon  sa  Sto. Papa  tungod  kay  nagtimaan  kini  sa tinuod  nga  Katoliko  nga  nahisulat  sa Biblia.

Ang  maong  doktrina  gipatik  sa Biblia  ug   gipatuman  kini  sa mga  lider  sa Katoliko    sukad  kini  tukora  niadtong naghinapos  ang  unang  siglo, ihap  sa edad  sa kalibotan base  sa  kalendaryo sibiko human  mosaka  si Cristo  sa langit.

Ang  ubang  doktrina  sa Katoliko  nga  napatik  sa Biblia  mao  ang  pagsimba  sa mga larawan , pagkaon  ug  dugo  ug  daghan  pa .

Kining  pipila  ka doktrina  sa Katoliko  nga  napatik  sa Biblia  maoy angay  susihon  sa  mga  membro   sa pagsukod  sa ilang  kalig-on  sa pagpadayon  sa pagsunod  ug  pagtuman  sa maong  mga  pagtulun-an  ug  masayran  nila  kun unsay  ganti  nga  mapaabot  nga ihatag  sa Dios  kanilang tanan  pag-abot  sa   adlaw.

Kining  mga  doktrinaha  sa Katoliko  di  angay usbon  ni Pope  Francis   kay  mao  kini  ang  “brand” o “landmark”  sa tinuod  nga Katoliko ug  ang  katam-is  sa  premyo  nga  giandam  sa Dios  sa  tanang  matinumanon  niini  sa  pag-abot  sa adlaw  sa paghukom.