Hinumdomi kini

Dili tanang inisog magdala og kadaugan, ug dili tanang pagtalaw nagdala og kapildihan. Mao nga kun sa tentasyon ikaw gyud mohasonghasong, nan matental gyud ang tawo.

Dugang pa, kinahanglanon sa matag usa kanato ang kusog nga espirituhanon aron atong mabatokan ang bisan unsang lingla sa dautan. Mao nga kinahanglan gayud ang paghupot og usa ka maampoong kinabuhi alang kanimo ug kanako. Mahinungdanon kaayo ang pagsangpit sa Dios sa kanunay ingon man ang pagbubo sa kaugalingong kinabuhing espirituhanon diha sa pulong sa Dios ug sa mga Sakramento. Kay tumong sa yawa nga ang tawo luyahon ug kun maluya na siya, dali na lang kaayo ang pagkuha kaniya. Ania ang laing sugilanon:

Konsilyo sa Impiyerno [2]

Gipatawag ni Lucifer ang iyang mga yawa alang sa usa ka mahinungdanong konsilyo. Ang isyu mao: “UNSAON MAN ARON MAS MODAGHAN ANG MA-IMPIYERNO?”

Ang unang yawa misugyot: Atong isabwag sa kalibutan nga walay Dios. Apan wala mahimuot si Satanas.  Ang ikaduhang yawa miingon: Atong patuohon ang mga tawo nga dili tinuod nang SALA. Apan usa ka yawa miingon: “Lumang plaka naman na, kay matag Semana Santa mga kompisalan hugpaan man sa mga tawo.