Kasaba kalabut sa Sabah

Ang Kugi Uswag Sugbo (KUSUG) usa ka partido nga gitukod sa kanhi mayor sa Cebu City nga si Alvin Garcia nga karon gipanguluhan na sa iyang anak nga si Atty. Raymond Garcia.

Katapusang gisakyan kini ni Garcia sa dihang nidagan siya sa pagka-mayor niadtong niaging piniliay batok kang kaniadto bise mayor karon Mayor Mike Rama dihang ubos pa siya sa Bando Osmeña - Pundok Kauswagan (BOPK).

Nagtoo ako kaniadto nga luya ug namalhin na ang kadaghanang sakop sa KUSUG ngadto sa ubang partido.

Sa convention niadtong Domingo diin ilang giindosar ang kandidatura ni Mayor Rama ug Konsehal Edgardo Labella pagka-bise mayor ingon man sila si kanhi DOTC Usec. Aristotle Batuhan sa pagka-kongresista sa south district ug talent manager Anabelle Rama pagka-kongresista sa north district- atong nakita nga napuno ang convention center sa usa ka inilang restaurant. Gibanabana nga 700 ka mga tawo, kapin kon kulang, ang nitambong sa maong kalihukan.

Supang ug kusgan pa diay kaayo ang partidong Kusug!

* * *

Akong ipahibawo kang Mayor Mike Rama pinaagi sa Office of Senior Citizens Affairs (OSCA) nga adunay private parking area dinhi sa Cebu City nga wala motuman sa ordinansa nga naghatag og libreng parking sulod sa tulo ka oras ngadto sa mga senior citizens.

Gawas sa mga parking area nga gipanag-iya sa gobiyerno anaa bay mga parking area nga mangobra og parking fee dinhi sa Cebu City nga exempted niining maong ordinansa?

Sumala sa nagbantay sa City Parking Services nga gipanag-iya ni Jefferson Go, nga dili sila mohatag sa maong benepisyo ngadto sa mga senior citizens. Daghan na kuno ang nireklamo niini.

Nakasabot ako sa baruganan sa nagbantay sa maong parking area tungod kay empleyado ra man siya ug mituman lamang siya sa gimbut-an sa tag-iya.

Mao lagi kini problema kay aduna gihapoy mga establisamento nga magpaugat pagsupak sa balaud nga maghatag unta’g benepisyo sa mga senior citizens.

Tan-awon ta kuno kun unsay himoon sa OSCA ug sa Cebu City hall niining mga malapason sa balaud.

* * *

Komplikado ug gubot kaayo ang nahitabo karon didto sa Sabah, Malaysia. Kining maong lugar gipanag-iya sa Sultanate of Sulu nga pinanguluhan ni Sultan Jamalul Kiram III.

Ang iyang manghud nga si Datu Rajah Muda Agbimuddin Kiram maoy nangulo sa gatusan ka armado nilang mga sakop sa paglawig ug pagpuyo didto sa Lahad Datu, Sabah.

Daghan nang nangamatay sa habig sa mga Kiram ug sa tinugyanan sa balaud sa Sabah. Karon nagpadayon pa gayud masulbad ang problema sa duha ka habig.

* * *

Sumala ni retired supreme court chief justice Artemio Panganiban sa iyang lindog nga ang gi-claim sa Sultanate of Sulu karon mao ang ownership sa Sabah dili sovereignty.

Sumala niya nga lahi ang ownership kon pagpanag-iya sa Sabah kun itandi sa sovereignty nga gi-exercise karon sa Malaysia sa Sabah.

"Sovereignty is the perpetual and absolute power of the state (not of an individual) to command obedience within its territory. This power is manifested through the state's constitution and laws, and is enforced by governmental agencies and officials. When needed, the states military and police forces can be called to back this enforcement," sumala kang kanhi chief justice Panganiban.

"Ownership, on the other hand, has a limited scope. It generally refers to the right and control of things (including land), especially in possession, use, disposition and recovery. Ownership rights, especially over land and natural resources, are controlled and regulated by the state," dugang ni Panganiban.

Sumala niya ang Pilipinas lang ang maka-claim og sovereignty sa Sabah dili ang sultan.

Kun atong ibasi sa baruganan ni Panganiban, husto diay ang gibuhat sa Malaysia.

Email: [email protected]