Infestation

Ang sunod nga matang sa extraordinary demonic attack mao ang infestation.

Ginaingon nga dunay gitawag natong Personal Infestation (Anaa sa tawo mismo) nga ang maong mga attached spirits nga dala sa usa ka tawo mismo ang nakaapekto sa usa ka dapit.

Sa laing bahin, anaa usab ang Local Infestation diin ang dapit mismo ang gihugpaan nang daan sa mga dautang espiritu apil na niini ang mga elementals (agta, dwende, engkanto). Matud pa nga ang Infestation usa ka matang sa pag-atake diin ang mga elementals o dili ba kaha ang demonyo gyud mismo ang manghilabot sa usa ka lugar, mga butang, o mga hayop.

Gigamit sa alien entity o alien entities ang bisan unsa nga anaa sa usa ka dapit aron hasion ang mga nanimuyo niini. Adunay mga panghitabong paranormal o mga hitabo nga dili kasarangan.

Usa sa mga tipo ning maong matang sa panghitabo mao ang haunted house.

Hinuon, dili dayon nato mahukman gilayon nga ang nakapahimo sa usa ka balay nga haunted mao dayon ang demonyo sanglit adunay tutulo ka mga hinungdan kun nganong ang balay nahimong usa ka haunted. Kini naglangkob ning mosunod:

1.  Human Para-Psychological Cause

2. Spiritual Cause

3. Preternatural-Demonic Cause

Sa sunod gula ning atong lindog atong tagsa-tagsaon og tuki ang mga nahisgutang mga hinungdan. Tumong nako nga ihatag ang mas kompletong detalye kalabot ning mga butanga.