EDITORIAL - Ang paghandom sa Edsa People Power Revolt

Nalukapa   ug natangtang  sa iyang  katungdanan si anhing president  Ferdinand  Marcos  pinaagi  sa Edsa People Power  niadtong  Pebrero 25, 1986.

Usa  sa gikalagotan  sa katawhan batok kang Marcos  kaniadto  mao  ang  iyang  kinaiya  nga pagkadektador.

Kutob sa iyang  nahunahunaan  nga kaayohan  sa nasud,  iyang  gipatuman  ug  tinuod  daghang  mga  kausaban  nga  nahimo  sulod  sa iyang  administrasyon  nga  milanat  og  20  ka tuig.

Gumikan  sa iyang  kaabtik, naglagot  ang iyang  mga kaatbang  sa politika  kay  samtang  nagkadugay  siya  sa katungdanan  nagkagrabe    ang  nabaniog  niyang  pangabuso  di lamang  panahon  sa eleksyon batok  sa kaatbang  niya  sa politika  apan  bisan  sa  mga  dagkong negosyante  nga  wa   mamahin  sa ilang  katigayonan  ngadto  kaniya. Nabaniog  ang  pagpangilog  niya og katigayonan  sama  sa Yamashita treasure, ug daghan na   kaayong  mga  maot  nga  balita  nga  nagdaot  sa iyang  ngalan  ug  pangatungdanan  nga  gilakipan  na  sa  iyang  hinakog nga  pangabuso  tungod  sa iyang  pagkamakagagahum  sa nasud  nga Pilipinhon.

Ang  mga  tawo  nga wala  na kaantos  sa  iyang  kinaiya  nga lisud  pukanon  pinaagi  sa eleksyon, apan  vulgar na  kaayo  og  pangabuso  pinaagi  sa pangurakot,  mialsa  ug  milusad  sa gitawag  nga Edsa People Power Revolt.

Karon  ika-27 anyos  na  human  sa maong rebolusyon, nagpuli-puli  na  ang lima  ka  mga  president  sa pagdumala  sa Pilipinas.

May  duha  ka  president kinsa  misuway  pagsunod  sa abilidad  ni  Marcos, ang usa  nakatilaw  og priso  unya  nakagawas  nga  gihuboan  sa iyang  pagka-presidente. Samtang  usa  nakalampos  gyud  sa iyang  mga termino  isip  president  apan  nagkagulkol  pa hangtud  karon  sa  prisohan.

`Gawas  sa maong  mga  president  daghan  kaayong  mga  gagmay-gagmay  nga  opisyal  nga ubos  sa president  og katungdanan  nga  gustong  molabaw  pa  sa abilidad  ni Marcos.

Pinaagi  sa  impeachment   nga  gilusad  sa senado, may  usa  nga  nagpusil  sa iyang  kaugalingon patay kay  wa kaantus  sa kauwaw  nga  iyang  giatubang. Samtang  ang  usa  wa  maghikog  apan  samtang  hapit  na   mahuman   ang impeachment , nagsakaysakay  na  og  wheel chair  gumikan kay giatake  sa sakit  ang  lawas  sa  kauwaw  atubangan sa  mga  imbistigador.

Karon  kinsa  kahay  mosunod kanila.