Wala’y suwerte

Samtang malipayon ang nasud nga misaulog sa Valentine’s Day kon  Adlaw sa Gugma adtong miaging Pebrero 14 dihay  pipila ka mga panghitabo nga midaot sa kasadya unta sa maong kasaulogan.

* * *

Didto  pananglitan sa Davao miliki ang bagol-bagol sa usa ka lalaki nga nakighalok sa kauban niyang babaye dihang naabtan kini sa uyab sa babaye. Way daghan pupangutana, gibunalan og botelya sa sotfdrink ang ulo sa mapangahason nga lalaki.

* * *

Didto sa Manila, duha ka manag-uyab  gisikop sa polis samtang nakighilawas ilawom sa dakong kahoy nga nag-atubang sa Manila Bay. Matud sa lalaki sa motel ang ilang plano apan nakuwangan ang ilang kuwarta kay gipaumentohan man kuno ang bayranan sa short-time.

* * *

Imbes padung unta ang manag-uyab sa usa ka lodging inn sa Pasay sa ospital silang duha nagsaulog sa Valentine’s Day kay nadisgrasya ang motorsiklo nga gimaneho sa nobyo.

* * *

Didto sa usa ka barangay sa Makati, usa ka lalaki ang gipusil patay. Ang patay’ng lawas napalgan sa street cleaner nga naggunit pa og mga buwak nga rosas nga iya pa tingali unta ihatag sa iyang hinigugma.

* * *

TRIVIA. Belated Valentine’s  greetings sa mga higala nato diha sa may Gochan building Magallanes eskina Leon Kilat. Daghang salamat sa inyong nagpadayong pagbasa sa Banat News.