Ikaduhang Hilisgutan: Ang Eksorsismo diha sa Kasaysayan[1]

A. Kagikanan sa mga Pulong — Eksorsismo gikan sa Griyegong Pulong: Exorkizein nga nagpasabot og paggapos o paggaid sa dautang espiritu ginamit ang mga pag-ampo o diha sa panabang sa mas gamhanan pa kay sa nisulod nga dautang espiritu. Gipahimug-atan gyud diha sa pagtuong Kristohanon nga ang gamhanang ngalan ni Jesus maoy epektibong gahom sa paghingilin sa yawa. Gidasonan kini ni Fr. Jose Francisco Syquia nga si Jesus mao ang pangulo sa tanang mga eksorsista. Usa sa mga tipik sa linatin nga teksto sa Roman Ritual nagkanayon:

 â€œEXORCIZO, Te immundissime spiritus, omnis incursio adversarii, omni phantasma, omnis legio, in Nomine Domini nostri + Jesu Christi…..”[2]

Ang karaang Tugon nga kinutlo gikan sa Basahon ni Tobit ang nihatag og usa ka tataw nga paghulagway sa  literal nga kahulogan sa Eksorsismo:

“… Ang baho nakapalayas sa demonyo ug nikagiw kini ngadto sa Ehipto. Gigukod siya ni Rafael ug hiapsan didto. Gigapos dayon siya sa kamot ug sa tiil.”[3]