TAON 2012 nang pumutok ang balita tungkol sa matin-ding pangmamaltrato sa isang kasambahay ng kanyang mga amo.
Ito ang kontrobersiyal na kaso ng mag-asawang Rey-nold at Anna Liza Marzan na humarap sa seven counts ng serious physical injuries, two counts ng attempted murder at serious illegal detention.
Dahil sa pananakit at pang-aabuso sa kanilang kasambahay, matinding mga sugat sa iba’t ibang bahagi ng katawan at trauma ang natamo ng biktima.
Bago pa man mahuli ang mag-asawang Marzan, nauna nang na-BITAG ng aming programa ang kapatid ni Anna Liza Marzan na si Annabelle Catajan.
Ang reklamo kay Annabelle, hindi naiiba sa kapatid at bayaw niyang sina Reynold at Anna Liza Marzan.
Tulad ng mag-asawa, kitang-kita ang ebidensiyang pangmamaltrato sa mga kasambahay ni Annabelle.
Isiniwalat niya sa BITAG ang hindi makataong pagtrato ng kanyang amo sa kanilang mga kasambahay.
Sampal, suntok, tadyak, pamamlantsa sa balat at pagbuhos ng mainit na tubig ang ilan lamang sa mga natatamo nila sa tuwing nagagalit ang amo.
May pagkakataon ring napagkakatuwaan din daw ni Annabelle na painumin ng dura ang mga kasambahay at ipaamoy ang maseselang bahagi ng kanilang katawan sa isa’t isa.
Isang rescue operation ang agad na ikinasa kaÂsama ang BITAG at Quezon City Social Services and Welfare Development at Women and Children Protection Desk sa Camp Karingal.
Subalit hindi tulad ng paglilitis sa mag-asawang Marzan, hindi umusad ang kaso ng pangmamaltrato ni Annabelle Catajan sa kanyang mga kasambahay.
Sa kasalukuyan, naipasa na ang Kasambahay Bill (Republic Act 10361) upang maÂprotektahan ang kaÂrapatan at seguridad ng mga kasambahay.
Karamihan kasi sa mga kasambahay, kulang sa kaalaman hinggil sa kanilang mga karapatan kaya’t umaabot sa puntong naaabuso na sila ng kanilang mga amo.
Umaasa ang BITAG sa pagbaba ng bilang ng mga kasambahay na minamaltrato ng kanilang mga amo ngayong naisabatas na ang Kasambahay Bill.