Diesel o gasolina

Sa usa ka seremonya sa bunyag, nauknod ang pari dihang sa pagpangutana niya sa inahan kung unsa iyang ipangalan sa bata nitubag kini nga “Toyota”. “Ngano ingon man ani ang pangalan?” pangutana sa pari. Nitubag ang inahan,” Kay ang kamaguwangan dre “Ford”, ang ikaduha, “Mercedes” ug ang ikatulo “ Celeste”. Ah mao ba? Bueno unsa may gusto nimo nga ako ibunyag sa imong anak diesel o gasolina?”

Ang kasagrado ug kabililhon sa sakramento sa bunyag wala kaayo matugkad sa mga ginikanan labi na gayud kadtong mga “nominal” nga magtutoo. Gani ang paghatag og pangalan sa ilang mga anak “unique” kunohay nga bisan sa imong pagbasa magkalisod-lisod ka, dungagan pa sa kataas sa pangalan, hasta ang  bata tapolan nga mosuwat.

Angay hinumduman nga ang bunyag mao ang unang sakramento nga makapahimo kanatong anak sa Diyos ug kinahanglan nga pahimug-atan nato ang kaimportante ug kasagrado niini.