Brgy Guadalupe, Carcar City
“Mangutana lang unta mi Sir kun sa health center duna bay bayad kay ang dipo diri pabayran man og tag 150 pesos unya ang mga tambal dili man ayohon pagpanghatag mura mag naay pinalabi.”
BRGY SIRAO, CEBU CITY
“Niuso naman sad ang shabu diri sa among lugar hapit naman maparehas sa sitio Dita mas maayo untang mohimo’g aksyon ang atong mayor aron sugoon ang kapolisan pagsumpo niini.”
BRGY LUTAC, NAGA CITY
“Among mga opisyales nagmika ra man uy way gihimo bahin sa among reklamo bahin aning pagpanguhag bas ug graba sa sapa sige lang sila dawat og sweldo way nahimo.”
BRGY TALAMBAN, CEBU CITY
“Kaming nga molupyo diri duol sa complex naproblema gyud aning garbage truck nga mag-pick up sa mga basura kay baho kaayo wa gyu’y hugas daghan na nga bata nga nangasakit kay wa kaagwanta sa baho.”
BRGY MANTALONGON, DALAGUETE, CEBU
“Ako lang unta ireklamo kining dalan padung sa simbahan kay wala gyu’y suga mahadlok na lang mga bata pag-agi sa lugar magpakuyog na lang namo kun moagi sila sa ngitngit nga dapit.”
BRGY WESTERN POBLACION, SAN FRANCISCO, CEBU
“Naunsa naman ni among lugar uy nagkadaghan naman hinuon ang shabu ari pa gyod atbang sa eskwelahan magtunol sa ilang baligya ngadto sa mga batan-on.”
BRGY CALERO, LILOAN, CEBU
“Palihog mi’g tawag sa among opisyal nga mohimog lakang aning nagkakusog nga sugal nga masiao hitak na gyud kaayo, naay konsehal diri sige lang pamolitika pero wa kabadlong aning masiao.”
BRGY SAN JOSE, CEBU CITY
“Tabangi mi sir Jun hangyo sa among mga opisyales nga ipaayo unta ang gubaon nga karsada kay wa na gyud matagad lapok na kaayo daghan nang mga motor ang nadisgrasya.”
BRGY MARIBAGO, LAPULAPU CITY
“Manawagan unta mi sa among mga opisyales sa Lapulapu labi na sa among kapitan nga unta aksyonan ning naghitak nga drugas sa Datag ug Looc dugay na ning problemaha.”
BRGY ALANG-ALANG, MANDAUE CITY
“Badlungon unta sa among mga opisyales kining mga tawo nag nagsigeg panguhag bas ug graba sa Butuanon river diri sa sitio Liong dapit kuyawan mi kay natumpag na man ang bahin sa sapa.”
BRGY PANGDAN, NAGA CITY
“Usa ko ka ginikanan nga dunay reklamo sir Jun labi na ning tigbakay nga himuon pirme duol sa high school kural lang ang nag-ali daghang mga bata magtan-aw.”
Alang sa inyong nga reklamo text lang sa 09071678643
- Latest
