Daut vs. tambok
Usa ka “survey-survey” nga gihimo sa usa ka boys club didto sa Metro Manila mipakita nga mas daghan ang wala makauyon sa lawas sa babaye nga daut kon niwang sama sa lawas sa mga fashion models.
* * *
Kini suma ni Nick-Nick Almario, usa ka Sugbuanong estudyante sa Manila ug miyembro sa Boys Club nga mipahigayon sa giingon tang survey.
* * *
Si Nick-Nick, kinsa nagkuha’g kurso nga public administration, misulti kanato nga sa 20 ka mga batan-ong lalaki nga ilang gi-survey, duha ra ang ganahan og dauton nga babaye kang kansang porma sa lawas ilang ginganlan og “Scarecrow body.”
* * *
“Ang kadaghanan gusto gyud og babayeng bus-ok ang lawas, kon medyo tambukon, kay healthy tan-awon,” matud pa ni Nick-Nick. “Ang uban gustong undanon nga lawas kay dunay kainit kuno kon gakson,” puno pa niya.
* * *
Suma pang Nick-Nick dihay duha sa ilang kauban nga ganahan gyud og tambok, dili lang may medyo tambok.
* * *
Ang mipahigayon sa maong “minor survey” pulos mga estudyanteng lalaki gikan sa nagkalain-laing probinsiya sa nasud, lakip na ang Cebu. Pulos sila third year sa kolehiyo.
* * *
“Minor survey” ra kini, matud pang Nick-nick apan mipakita, in some way, kun unsay nagustohan sa mga batan-ong lalaki nato sa atong mga batan-on sab nga kadalagahan.
* * *
TRIVIA. Daghang salamat sa mga readers sa Banat News diha sa M.J. Cuenco Ave. (niadto Martires St.) ug diha sab sa Lorega-San Miguel diin duna tay daghang mga higala nga nanimuyo. Happy New Year kanatong tanan!
- Latest
