Padayon, distribution sa cash assistance

Sa ato pa, dili tinuod ang kabalaka nga nahurot ang kuwarta alang sa mga senior citizens. Gipadayon gahapon ang pagpang-apod-apod sa cash assistance. Atong masabot nga na-corrected na ang mga kakulian ug mga discrepancies sa master list hinungdan nga daghang reklamo ug daghan ang wala makadawat sa miaging Dec. 8, ang unang adlaw sa pagpanghatag.

Gipadayon kini sa City Hall, ug mao gihapon ang nahitabo...lamok-lamok gihapon, na-inconvenienced gihapon ang mga senior citizens. Hangtud nga nakahukom si Mayor Mike Rama, nga ang distribution ibalik ngadto sa mga barangay.

Sa akong bahin, milikay ko sa lamok-lamok, ug bag-o lang pud kong nakadawat, salamat sa pagtabang nila ni Juhn “Sinatra” Villahermosa ug Jeffrey Ocampo sa buhatan ni Konsehal Joey Daluz; ingnon man, kanila ni Tita Sesa ug Ethel Porcaleda sa Treasurer’s Office.

Di ko moingon nga gihatagan ko nila’g special nga pagtagad, kay duna may lain nga senior citizens nga gitabangan.

Ania ang schedule, gahapon, December 13: sa mga barangay Apas, Banilad, Basak Pardo, Basak San Nicolas, Bulacao, Capitol Site, Cogon Pardo, Duljo Fatima, Ermita, Guadalupe, Inayawan, Kalunasan, Kamagayan, Kamputhaw, Kasambagan, Kinasang-an, Labangon, Lahug, Mabolo, Mambaling, Poblacion Pardo, Punta Princesa, Sambag 1, Talamban, Tisa. December 14,  Biyernes: Adlaon, Bacayan, Bo. Luz, Bonbon, Buhisan, Busay, Calamba, Cambinocot, Cogon Ramos, Day-as, Hipodromo, Lorega San Miguel, Pahina Central, Pasil, Pit-os, Parian, Quiot, Sambag 2, San Nicolas Proper, San Roque, Sawang Calero, Sirao, Suba, T. Padilla, Tejero, Tinago, Zapatera.

December 17, Lunes: Agsungot, Babag, Binaliw, Budlasan, Buot Taup, Carreta, Guba, Kalubihan, Lusaran, Mabini, Malubog, Pahina San Nicolas, Pamutan, Paril, Pulangbato, Pung-ol Sibugay, San Jose, San Antonio, Sapangdaku, Sinsin, Sta. Cruz, Sto. Niño, Sudlon 1, Sudlon 2, Tabunan, Tagbao, Taptap, Toong. Samtang gipaningkamotan sa city hall nga mahapsay ang pagpang-apod-apod sa cash assistance, aron dili mahasol ang mga senior citizens, di gyud kalikayan nga duna gyu’y mga kakulian -- usahay ra ba, gumikan sa kagahi’g ulo natong mga senior citizens. Di patuo og mga instructions.

Ug sa pikas bahin, kamo bay mag-disburse sa kuwarta, lalim ba. Magsinabtanay lang ta.

Ug ayaw kalimot, paminaw sa Senior Citizens Hour sa DyRC 648 kHz matag Sabado, 4:00-6:00 pm. Tels. 4125249-4125298.