Unsay maayong buUnsay maayong buhaton kun ang mga sanga sa kahoy sa imong silingan milapas sa imong property?haton kun ang mga sanga sa kahoy sa imong silingan
Kun ikaw mananom sa imong yuta mas maayo nga imong seguruhon nga wa ka makalapas sa boundary sa imong silingan. Kinahanglan usab nga butangan nimo og distansya ang imong pagtanum gikan sa utlanan sa imong yuta aron inigdako sa imong kahoy dili molapas ang mga sanga niini sa pikas nga property. Unsay maayong buhaton kun ang imong tanum na-awngan o natabunan sa mga sanga sa kahoy sa imong silingan? Kana nga pangutana ang atong tubagon karon.
* * *
Dear Atty. Divine,
Aduna koy gamay nga umahan dinhi sa Cebu ug ako kining gipangtamnan og mga utanon ug mga prutas. Karon naproblema ko attorney tungod kay na-awngan ang akong mga tanum sa sanga sa mangga sa akong silingan hinungdan nga wa gyud motambok ug wa motubo ang uban nakong tanum nga prutas. Ang akong pangutana Attorney mamahimo ba nako ni nga putlon ang mga sanga sa mangga kay milapas na man kini sa akong yuta? Unsa may maayo nako nga buhaton? Hinaut nga imong matubag ang akong pangutana. — Timmy
* * *
Dear Timmy,
Basi sa atong balaod mamahimo kang mo-demand sa imong silingan nga ipaputol ang sanga sa mangga nga milapas sa imong property. Mao kana ang nalatid sa Article 680 sa atong Civil Code nga nagkanayon: “If the branches of any trees should extend over a neighboring estate, tenement, garden or yard, the owner of the latter shall have the right to demand that they be cut off insofar as they may spread over his property, and, if it be the roots of a neighboring tree which should penetrate into the land of another, the latter may cut them off himself within his property”. Sa ato pa, aduna kay katungod nga mo demand sa imong silingan sa pagputol sa sanga sa iyang mangga nga milapas sa imong yuta apan ayaw lang pagpangunay og putol anang iyang sanga kay basin moresulta na hinuon na sa away. Kun di siya mopatuo mas maayo nga imong ireklamo sa inyong kapitan aron siya mapasabot. Apan ang maong balaod nagkanayon nga kun ang mulapas sa imong yuta mao na ang gamut sa iyang kahoy ug mosud na ngadto sa imong yuta, ikaw mismo mamahimo na nimong putlon ang gamut nga misulod sa imong yuta. Hinaut nga akong nahatagan og katin-awan ang imong mga pangutana. Daghang Salamat. — Atty. Divine
Alang sa inyong pangutana, ipadala lang sa Legal Corner sa Banat News or email sa [email protected]
- Latest
