Pagsangyaw

TUMONG: Imantala ang mga mahinungdanong kamatuoran sa kinabuhing Pastoral  ni Obispo Teofilo Bastida Camomot

E. Tinud-anay nga Pilipinhon. Aron sa ingon kini masabtan nato ingon nga mga Pilipino o mga Bisaya. Palamboon niini ang kultura ug pamatasan.

Adunay han-ay o sistema. Tinguhaon nga pagadumalahon kini segun sa usa ka han-ay ug programa diin itudlo ang Balaang Kasulatan, pagtulon-an sa Simbahan  ug ang mga Doktrina niini nga wala’y sayop ug nahiuyon sa pagdason sa Simbahan. Naglambigit kini sa mga Sukaranan sa atong pagtuong Katoliko ug mga Balansayon ingon man ang katilingbanong Doktrina sa Simbahan.

Si Obispo Teofilo sa iyang ginagmay ug makanunayong mga pamaagi ang nihimo ning mga butanga. Ingon nga pari ug Obispo ang nagbudlay alang ning tinguha sa pag-ebanghelyo. Iyang gihimo nga mapahimug-atan ang CREED pinaagi sa paggambalay ug pagpalig-on sa mga istraktura sa pagpanudlo sa mga mahinungdanong pagtulon-an sa atong pagtuong Katoliko. Ang pagpatuman sa balaod (CODE) alang sa kaluwasan sa mga Kalag (Salus Animarum Suprema Lex) ug pagdala sa mga tawo ngadto sa pagsaulog sa kinabuhing maampuon diha sa Sagrada Eyukaristiya ug uban pang mga Sakramento (CULT). Apan ang dakong tampo ni Obispo Teofilo alang sa nabag-ong Pag-ebanghelyo nagasukad diha sa iyang pagpuyo adlaw-adlaw sa halawom ug lunsay nga paagi sa pagtuo nga iyang nahuptan ug nasangyaw. Sumpayan pa