Ang Epektibong Pamaagi ni Obispo Teofilo Camomot
TUMONG: Imantala ang mga mahinungdanong kamatuoran sa kinabuhing Pastoral ni Obispo Teofilo Bastida Camomot
C. Ang mga sanglitanan sa mga lihok sulbad sa mga panginahanglang Pastoral
1. Pagtukod sa kahugpongan sa mga Madre sama sa Daughters of St. Teresa aron motabang sa mga kalihokan sa parokya ug mga tunghaan.
2. Pag-umol sa mga Katekista pinaagi sa mga updatings ug uban pa.
3. Pagpalig-on sa mga Parokyano ug katawhan pinaagi sa mga sakramento labi na gyud ang pakompisal ug Hilog sa Masakiton.
4. Ang pagpakita sa sanglitanan sa usa ka manggihatagong kinaiya diha sa pagpaambit niya sa iyang kaugalingong panahon, kaantigohan, ug sa bisan unsang butang nga iyang nahuptan. Andam siyang mohatag sa bisan unsang butang materyal sa wala’y igong pagpangita og subay. Ginaingon nga kapila na magbalik-balik sa prendahanan ang iyang singsing o dili ba kaha pectoral cross aron lamang ihatag ngadto sa mga kabos nga nagkinahanglan. Inato man tuod ang maong pamaagi apan dako kaayo kini og bili kanila nga nakasinati sa iyang kamanggihatagon.
5. Ang pag-ampo sa masubsob. Wala’y butang dili mahimo sa Dios, ang tanan mahimo gyud Niya. Gihimo niya ang usa sa mga epektibong pamaagi sa pag-ebanghelyo. Ang pag-ebanghelyo pinaagi sa buhat ug dili sa pulong lamang. Si Obispo Teofilo ang unod sa iyang gitudlo.