Ang inahan nangutana sa iyang anak, “Dong unsa man ang imong nakat-onan sa eskwelahan karong adlawa?” Nitubag ang anak, “Daghan ma apan dili pa igo kinahanglan pa gyud kong mubalik”
Ang kahibalo dili makuha sa usa ka paagi lamang. Gikinahanglan ang makanunayong pagtuki aron sa ingon mas mapaladman pa ang imong kahibalo aron sa ingon mahanas ka sa linya nga buot mong buhaton.
Ang pagpangalagad sa Ginoo nagkinahanglan pa og panahon sa pagpalambo pinaagi sa pag-ugmad sa kahibalo nga gitisok sa mga tawong gihimong instrumento aron maoy mopaambit sa ilang mga nahibaw-an ug pinaagi niini mas mahimong epektibo ang iyang apostalado.
Makab-ot lang kini kung anaa sa atong kasingkasing ang kaikag sa pag-ambit sa mga kahibalo inubanan sa pagsabot ug pagkamapahiubsanon.