Geography

Usa ka Cebuano-Boholano anthropolist didto sa Amerika misugyot nga seryosohon sa Department of Education ang pagtudlo sa geography sa lower grades sa atong mga eskuwelahan. Kana, kuno, kun duna pay subject nga Geography sa lower grades -- gikan elementary hangtud high school.

* * *

Si Dr. Martin Española, knsa nagtudlo og Geography ug Anthropology sa mga high school ug junior college didto sa Amerika, mihimo sa maong sugyot tungod kay iya kunong nahibaw-an nga daghan sa atong mga high school students ug graduates menos kaayong nahibaw-an bahin sa Geography.

* * *

Pananglitan, suma pa niya, dihay mga graduwado sa high school nga nangaplay og scholarship sa eskuwelahan nga iyang gitrabahuan isip consultant sa Anthropology ug Geography kinsa menos kaayo’g nahibaw-an parte sa Philippine Geography.

* * *

Dihay usa ka applicant wala gani kuno masayud kun asang probinsiya nahisakop ang siyudad (Bacolod City) diin siya natawo. Wa sad siya masayod sa rehiyon diin  nahimutang ang Negros (Mindanao ang tubag).

* * *

Nakasugat kuno siya’g usa ka reporter sa pamantalaan didto sa Manila kinsa nagdahum nga ang Iloilo naa nahimutang sa isla sa Negros. ug ang Leyte anaa sa Samar.

* * *

Labaw pa kuno ka bugo ang atong junior college students bahin sa Asian Geography. Naa kuno’y usa ka estudyante nga nagtuo nga ang Singapore tua sa China. Tungod kuno tingali kay kadaghanan sa tawo sa Singapore mga Insek.

* * *

TRIVIA. Mangumusta kita sa atong mga higala diha sa C. Padilla ug Carlok streets. Salamat sa inyong suporta sa Banat News.