Catmon Senior Citizens

In most instances, ang kalampusan sa bisan unsa nga pundok, mag-agad sa leadership sa pundok. Of course, gikinahanglan ang enthusiasm sa mga sakop, kaylagi, mag-unsa man ang leader kun dili niya makuha ang cooperation sa iyang mga sakop. Hagit kini sa mga opisyales ug mga sakop sa nagkalainlaing pundok sa mga senior citizens.

Samtang dunay mga pundok nga active kaayo, duna say uban nga walay activity. In fairness, hinoon, sa maong pagduaw sa mga lungsod, among nakita nga mas daghan ang mga pundok sa mga senior citizens nga aktibo kaayo, ug atong nakita nga kining maong mga pundok, gipaluyohan sa mayor ug mga opisyales sa   lungsod.

Natural, gumikan sa ka-aktibo, sa initiative, sa dedication ug commitment sa leadership. Mao kini ang atong nakita sa Catmon Senior Citizens Association, ubos sa pagpangulo ni Brod Ruben Ares. Gawas sa iyang pagtawag kanato sa tulomanon Senior Citizens Hour sa dyRC, iyang gi-fax ang ilang mga kalihokan ug mga laraw sa mga senior citizens sa Catmon. Ania:

Senior Citizens Week: Thanksgiving Mass; Parade; Medical Mission & Brief Program; Visiting of the sick members, give out milk & biscuits; Civic Activities - street cleaning & planting of ornamental plants; Culmination Program: General Assembly (1,200 in attendance), with free meals and door prizes; Presentation of Talents from every Chapter; Election of Federation Officers:

Ruben D. Ares, president; Andres Molina, vice president; Annie Rollan, secretary; Carmencita Fiastro, treasurer. Si Ricardo Calva, gi-assign sa DSWD isip Senior Citizens worker sa Catmon. Ang oath-taking himoon sa Lunes, Oct. 15, uban ni Mayor Dan Jusay, inducting officer. Plan of Activities: 1) Paningkamotan nga mapatuman ang tanang benepisyo nga gilatid sa RA 9994 kon Expanded Senior Citizens Act of 2010, sama sa Mandatory PhilHealth Coverage sa mga indigent senior citizens; water discount; death benefit assistance of a minimum of P2,000 to the nearest surviving relative of a deceased senior citizens; VAT exemption & 20% discount sa tambal.

Mahitungod sa P500 matag bulan nga pension, unta, mapatuman kini ngadto sa tanang indigent senior citizens, regardless sa edad, basta, “frail, sickly, or with disability,” ug poorest of the poor, sumala sa gimbut-an sa balaud.

Gilaraw usab ang pagtukod sa Catmon Senior Citizens Credit Cooperative, ug pagpasiugda og mga livelihood projects, sama sa tilapia ug vegetable farming.

Si Mr. Ares, nagpasalamat ning mosunod, gumikan sa gitunol nilang mga tabang ngadto sa mga senior citizens sa Catmon:

Gov. Gwen Garcia, for the Catmon Senior Citizens Day Center.

Vice Governor Agnes Magpale & Hon. Jud Durano, for the tables & chairs.

Mayor Dan Jusay, and the Municipal Council, for their continuous full support extended to senior citizens in their municipality.