Ang pagpaangay
Matod pa sa pasyente. “Kabati ning makauna way lami ”. Nitubag ang nurse unsa man ang imo nga gianhi pagkaon o pagpatambal?
Matag tawo aduna gyud plano sa iyang kinabuhi. Sagad sa maong mga mithi maanindot ug kung adunay katumanan makalipay kini kaniya. Sa iyang pag-ugmad niini inanay niyang namatngonan nga wala diay kini mahiangay sa iyang tumong. Daghan ang mamahimong rason. Usa na niini mao ang pagtuo nga dili haom ang iyang personalidad sa paghimo niini tungod sa iyang nadungog gikan sa uban ug kawalay kumpyansa sa kaugalingon.
Ang pagpaangay sa atong pagkatawo wala magikan sa kadaghanan kung dili kanato mismo kay kita lamang ang nasayod kung unsa ang gusto nato nga mahitabo sa atong kinabuhi. Kung mapakyas man kita, dili nato igsapayan hinunu-a padayon tang mobarog. Magpakabuhi kita para sa atong pangandoy dili para maminaw sa komentaryo sa uban.