Sakop ka man o dili

SEPTIYEMBRE 30, 2012: Ika-kawhaag-Unom nga Domingo sulod sa tuig

Mga Pagbasa: Num. 11:25-29/Sal. 19/San. 5:1-6/Mk. 9:38-43,45,47-48

Nindot nga mahisakop sa usa ka organisasyon o kahugpongan. Apan sa laing bahin adunay uban nga nahimong “exclusivist” na kaayo gumikan kay nahisakop sila sa usa ka elite nga pundok. Mao kini ang hinungdan kun nganong adunay pag-alburoto sa mga tinun-an ni Jesus sa dihang dunay tawo nga dili nila kuyog ang mihimo og eksorsismo ginamit ang ngalan sa ilang magtutudlo.

Apan usa ka inclusivist si Jesus. Unsaon man tuod paghimo og milagro sa maong tawo nga migamit sa iyang ngalan kun kini batok pa kaniya. Hinumdomi nga diha sa pagsunod sa Ginoo, mahinungdanon kaayo ang pagsunod dili lang sa kahugpongan kun dili sa mga mithi mismo sa maong kahugpongan.