Ang pagka-mabinantayon

Si Conrad imbitado sa usa ka kombira. Tungod sa iyang kagutom nilahos lang siya og lingkod ug nalipay siya kay ang inasal anaa man gyud nahimutang sa iyang atubangan. Dason pa niya swerte siya kay ang iyang na lingkoran haduol gayud sa baboy. Ang tanan nahilom ug mitan-aw kaniya. Sa iyang paglingi diha pa niya nahibaw-an nga nataparan niya usa ka babaye nga tambok nga masok-anong mitutok kaniya.Mipahiyom siya ug puno sa kaikog nga miingon, "sori ang inasal mao ang akong gipasabot."

Ang pagsulti nga wala sa huna-huna makamugna og dili maayo, kay lagi dili man ta makahibalo nga nakapasakit na diay ta sa atong isigkatawo. Sa pagbuka sa atong baba angay natong pamalandongan kung kini makapalambo ba sa tawo o makahugno ba kaniya. Ang pagbutang sa atong kaugalingon hulip sa tawo nga atong komentaryohan makapaamgo kanato kung unsay bation sa tawo nga atong sultihan. Kay matod pa ni"humper" sa Bambi nga salida "If you don't say something nice, don't say nothing at all."