Ang cucumber o pepino

Kadaghanan tingali nakaila na nianing matang sa tanom nga ang bunga niini, maoy wala pa kaayo matagad, nga kini adunay daku nga benepisyo sa kahimsog sa panglawas. Bisan sa kanihit ini, naa pa tay makita sa pampublikong merkado, nga pipila lang ang naagni sa pagamit, kay lagi kulang pa sa kasayuran.

Ang pepino kun maanad ka sa pagkaon, kilawon o i-shake nimo, mas taas ang lahutay o kabaskog, nga di ka dali gutomon. Apilag kaon ang panit kay naa diha ang dasok nga mga nutrients sama sa bitamina B1, B2, B3, B5, B6, Folic Acid, Vita-C, Calcium, Iron, Magnesium, Phosphoros, Potassium, Zinc ug ubpa.

Ang pinikas sa pepino, kun ibutang sa mga mata nga pahayagan sa adlaw, mawa kadtong lagom nga tabon-tabon sa mga mata. Mahimo sad nga inusnos mo ang lab-as nga pinikas o linusak sa pepino nga ipahid sa nawong, liog, bukton, aron mohamis, molumoy nga di mangunot ang pamanit mo.

Ang Pepino nagbaton og electrolytes, para mabalanse ang kainiton sa lawas o body PH ug mopabuhi sa patay nga selyula sa panit, nga maoy nakaingon sa pangunot. Gihimo na kini karon nga food supplement, body lotion, moisturizer, facial o feminine wash, sunblocker ug ubpa. Kun makaamggo na ang tanan niani, sigurado nga momahal kini isip pagkaon, kay daghan nang parmasyotika ug nutrisyotika ang namalit niani aron himoong sama sa ginganlan nato sa itaas.

Ang pepino, mahimong usapon isip mouth wash o antiseptic aron molimpyo sa mga asido gikan sa gipangkaon diha sa baba, aron di manimaho o bad breath. Mahimo sad inanay sabwan pabukalan nga ihaplas sa pangapoy sa panglawas.