Sa karaang panahon, sa mga nasud nga kinaham o nabatasan ang pagkaon sa mga lamas, nasuta sa mga pagtoon, mas nakabenepisyo sila sa kahimsog sa panglawas. Sama didto sa India, matagad nimo sa ilang mga kamerkadohan, bisag asa, mas naglabi ang baligya nga nagpasad sa tanang klase sa lamas.
Sagad nila didto, mora lang sila’g naglanlan og lab-as nga prutas, sama sa sili, luy-a, atsara, ahos, sibuyas bombay ug uban pa. Dinhi sa atoa, aduna lay pipila ang makahimo niani nga kilawon lang. Kasagaran, ato lang gamiton sa timplada o pagpalami sa pagkaon. Kun hasol ang ani sa lamas, mopalit na lang anang artificial nga flavored food seasoning, nga kanunay gi-advertised sa TV.
Ang mga lamas, sa gihimong pakisusi sa mga nutrisyonista ug ubang mga experto niani, nakadiskubre nga aduna kini mga health benefits ug natural nga healing properties. Mas potent o epektibo pa kay sa mga placeebo o synthetic nga tambal nga sagad adunay side effects. Busa makat-on kita sa hustong paggamit ning mga lamas, aron gyud mapuslan kini sa kahimsog sa panglawas.
Sa pagluto kun pabukalan o pritohon mas daghan o mawa gyud ang nutrients nga anaa sa lamas. Kun pabaho lay tuyo sama sa ahos pritohon ok lang. Mas maayo isagol ang lamas dayong pawong sa kalayo, aron di kaayo tanto mawagtang ang sustansya niini. Apan labing maayo gyud nga kilawon lang kay makapaalibyo kini sama sa arthritis, heart, high blood, prostate ug uban pa.
Food enhancers usab kini nga mopalahutay sa pisikal, mental ug emosyonal.