Ang kapilian sa kinabuhi
Daghang kapilian ang kinabuhi. Apan wala kini magpasabot nga imong pilion kadtong giisip nga maayo apan kadtong makahatag nimo og kalipay kay kini ang matang sa pagpili nga makaayo kanimo.
Kini ang pahinumdom ni Rancho sa iyang higala nga si Fahran sa salidang 3 Idiots. Kadaghanan kanato ang wala’y kaugalingong desisyon kay mag-agad ra man kita sa urog sa panahon o dili ba kaha sa hulhog sa atong isigkaingon. Apan mao kini ang hinumdomi, paminawa ang pinitik sa imong kasingkasing ug timbang-timbanga kun kini ba usab ang mando sa imong hunahuna.
Pamalandongi ang imong gihunahuna kun kini ba ang pinitik sa imong kasingkasing.