Ang labing una

Gisaulog ning buwana ang ika-18 ka tuig sa Banat News. Aniay pipila ka mga ngalan nga wala kahisguti sa mga artikulo nga napatik sa 18th anniversary issue nga dili mahimong hikalimtan kun ang kasaysayan ning atong mantalaan maoy pa- gahisgutan.

* * *

Ang labing unang serialized novel mao ang “Gugmang Napukling” nga sinulat ni Vivian Ponte.

* * *

Ang labing unang editor-in-chief mao si J.S. Bautista.

* * *

Ang labing unang showbiz columnists mao sila si Kriss Relatado, Ann Las Cruces ug Tessie Sevilla.

* * *

Ang labing unang opinion columnist mao si Antolin de la Serna kang kansang lindog nga “Iyo Antoy” sige pa karon.

* * *

Ang labing unang cartoonist mao si Florencio Semar.

* * *

Ang labing unang front page ad mao ang Jaz Cola nga miokupar og espasyo sa tuong bahin sa ear.

* * *

Ang unang ngalan sa Banat News, Banat lang. Ang

“News” gipuno sa sugyot ni Ed Enriquez, kinsa mao say unang distributor ning atong mantalaan.

* * *

TRIVIA. Daghang salamat sa mga advertiser ug magbabasa sa Banat News sa ilang walay hunong nga suporta niining maong mantalaan.